成家都啪咗丸

媽：「嘩，做乜野田妹咁！？」
哈：「（大喜）乜我有咁靚咩？？？」
媽：「我話你亂七八糟咋！
　　　你睇你個頭似乜，啲衫又九唔搭八。」
哈：「我啲朋友都話我似佢架！」
媽：「你就想。」
哈：「做乜啫你好唔想個女靚咩！？」
媽：「我話你越大越醜樣就真。」

(T△ T )|||


*

哈：「唔理你我玩電話。」
媽：「有咩好玩啫？」
哈：「影相，我幫你影丫～～～ ♥」
媽：「唔影！硬係影到人核鬼突！」
哈：「咁我係鍾意影鼻哥窿丫嘛。」
媽：「咪就係核鬼突囉！」
哈：「藝術呀～～～！你都唔明！」
媽：「藝你個死人頭。」

(T△ T )|||


*

哈：「咁你幫我影丫。」
媽：「咁鬼麻煩架你呀！」
哈：「咁你想點呀！？」
媽：「你好煩呀！」
哈：「你好嘈呀！」
媽：「你啪咗丸仔嚟呀！？」

(T△ T )|||


*



媽：「又幾好玩喎，唔怪得之個個都有部。」
哈：「yeah！yeah！」
媽：「喂撈咁耐嘅！？」
哈：「幾耐呀十秒都未夠…」
媽：「咁仲唔耐呀！？渣啦！」

(T△ T )|||


*

媽：「（睇緊我部電話）呢個邊Ｑ個呀？阿禮呀？」
哈：「禮你個死人頭。」
媽：「搞到明珠台個乜鬼嘢俾人炒嗰個呀？」
哈：「…嗰個叫阿珏，叫佢鬍鬚叔叔都得。」
媽：「鬼分到咩，一樣有鬚之嘛！」
哈：「…耶穌夠有鬚。」
媽：「（冇理過我）乜咁鬼多鬚嘅！」
哈：「正囉！」
媽：「（冇理過我）真係好多鬚喎…」

(T△ T )|||


*

哈：「媽咪。」
媽：「點？」
哈：「其實你有冇試過認錯我係哈利波特？」
媽：「乜呀？」
哈：「因為我都會戴眼鏡。
　　　你有冇試過認錯我係哈利波特？」
媽：「……」

(T△ T )|||


*

媽：「阿雯。」
哈：「咩？」
媽：「De 你個sign 啦！」（跑開）

(T△ T )|||


*

哈：「你匿響廁所咁耐做乜啫！」
媽：「沖涼呀！妖！」
哈：「沖成個鐘！？你帶埋沖涼鴨仔入去玩呀！？」
媽：「睬你都痴筋。」

(T△ T )|||


*



爸：「呢碟咩嚟架…？」
媽：「薑蔥炒素蟹柳呀，阿雯話要食嘅。」
哈：「拍爛手掌之作，like！」

(-▽ - )


*

爸：「其實有幾多動物食素嘅呢？」
哈：「大把啦！牛啦羊啦大笨象啦長頸鹿啦！」
爸：「河馬啦水牛啦熊貓啦兔啦！」
哈：「呀，咁貍貓呢？」
爸：「你冇聽過《貍貓換太子》咩？
　　　所以貍貓係飲皇后嘅母乳嘅！」
哈：「定係有奶媽架？」
爸：「係喎…宋朝興唔興奶媽真係唔知…」
哈：「即係呢，總之係飲奶，都唔算肉食動物！」
爸：「冇錯喇、冇錯喇。」
媽：「妖你哋up 乜鬼嘢呀…！」

(>▽ < )


*

媽：「我同你約左牙醫喇，廿五號去箍牙。」

(T▽ T )