天水圍係一個只應該o係discovery channel內存在o既地方
天水圍基本上同事實上係一個只應該o係discovery channel內存在既地方。
而我亦深深相信，住天水圍o既女仔，情路會特別堪坷。
唔係因為個女仔住o係最cheap既公屋定樓價冇望回升既嘉湖山莊，
唔係因為個女仔係綜援戶定低收入住戶。
1)係因為任何住港島區而想追佢既男人，
自己冇車而好有風度咁截的士送個女仔返屋企，
會發現搭七折的士一來一回都要六七百蚊，
個男人好快就會明白，住天水圍既女仔的確唔係發展愛情既好對象。
2)係因為個女仔無論著得幾靚打算去dating，
由佢出門口到上車既一刻，佢都必須同大自然搏鬥，而佢一定會輸。
o係掛緊3號風球既今日，當個女仔o係車站食風飲雨等左25分鐘，
都仲未見到架269B，佢決定行去西鐵站。
平日分鐘既腳程，今日行左15分鐘。
一路上，無情既風雨、樹葉同垃圾，
不停拍打佢副gucci sunglasses
同對落地唔夠一個月既Rebeca Sanver金色蝴蝶結芭蕾舞鞋，行三步起碼退兩步。
而佢發現，路上既其他人勇到唔擔遮。
佢細心觀察，明白到其他人唔係咁勇，只係連遮都吹翻左。
個女仔終於知道，所有天水圍既街坊，都應該買把梁蘇記既遮。
02011212 [i am 02011212]
天水圍係一個只應該o係discovery channel內存在o既地方
剛看到舊同事的一篇
"天水圍係一個只應該o係discovery channel內存在o既地方"，
看到天水圍女仔的情路，實在堪坷。
天水圍男仔的情路又會是那一種境況？
當一個天水圍自己沒有車，不會租的士的男仔
想追一個港島區女仔的時候，
男仔會頓時發現天水圍是一個名副其實的衛星市鎮。
地球人幻想月球上面有嫦娥，有玉桂樹，有玉兔，有吳剛在劈柴。
香港人幻想天水圍有魚塘，有牛耕田，滿街童黨，
家家戶戶都在上演他們自己的Les Misérables
（雨果的悲慘世界，即港譯的孤星淚）。
而事實上，我亦相信百分之七十以上的天水圍人，
都是一個又一個的La misérable。
廢話說完，重點是天水圍與香港經濟活動中心的距離。
（根據天文台的解說，是那條叫做“維多利亞港”的河流一帶）
1. 去完街街，送完港島區既女仔返屋企後，
稍為低能既天水圍男仔可能會選擇搭叮叮去中環再搭船去尖沙咀，
然後再因應眼訓程度去選擇搭巴士或者搭巴士轉西鐵返屋企。
原因只係坐下叮叮，天星小輪這些上世紀的交通工具之後，
再同自己講：“嗯，其實港島女仔唔係遠的，不過因為我想感受下
搭叮叮的氣氛同埋吹下海風，所以至要咁耐。。。”
2. 當喜歡的港島女孩突然打俾你話想同你食早餐、午餐、晚飯，
宵夜的時候，男仔會選擇造價逾４００億的西鐵，
再在南昌站轉東涌線去港島。如果，約會地點在中環Soho LKF都還好，
如果約會地點是港島東，甚至要先到那些港島東港島最的家接她，
那男孩絕對是不用花錢租的士，因為1. 可能上東區走廊前塞車塞死，
搭地鐵可能還要快；2. 對不起，食飯時間已過。；3. 女仔已經自行解決。
3. 當港島女孩唔開心／掛住你，突然想見你時，
此時沒有車的男仔還不捨得租的士飛出去
（算吧啦你，你可以放棄港島女孩）。
當你踏破千山萬水終於去到港島女孩身邊時，
女孩的唔開心可能已經俾海風吹走，
一時傻左竟然會掛住你都被海風吹清醒了。
（ㄚ，我忘了隨著香港的發展，高樓大廈遮擋著維港，
港內風力比起周邊地區細得多）
4. 最現實亦都最殘酷的是慢慢你的時間都變得更加不夠用，
本來可以花在第二方面（食好Ｄ？玩好Ｄ？）的金錢，都變了交通費。
天水圍男仔追港島女孩時，比起九龍和港島的對手都要多一重難題，
就是要同時間和距離搏鬥。
要知道古人道“近水樓台先得月，向陽花木易為春。”，實在不無道理。
近日知道原來我和Stephy在幼稚園時期做過同班同學。
大興村長大的她已成功脫離屋村生活，那我又何時才能移民到香港去？
三球風球的日子，我和路上其他人一樣沒有打傘。
不是因為我把遮俾吹翻，
而是我深信漫長的車程有足夠時間讓我身上的雨水蒸發。
或者，時間能夠蒸發的不只是雨水。
PS：不知道梁蘇記在８６年宣佈結業後，
之後重開的第４代梁蘇記是否還是全部人手製造，
包修一世鋼遮骨呢？
曾經都想給自己買一把梁蘇記，因為那時我不想自己病，
病左還怎樣照顧別人？
不過去到那十分現代化的梁蘇記門市，實在找不到那份傳統。
天水圍居民細joe 2006/8/7 19:29
可悲，可是，我愛天水圍，
愛她給我的回憶，愛她的寧靜，
愛她的與世隔絕--這使我看清九龍香港的人有多愚昧、膚淺，使我頭腦清晰。
我愛天水圍~
02011212~ 2006/8/9 00:06
天水圍男仔最後都搭上左筲基灣女孩了....!
不過唔知....會幾時散....?
(第一日就諗呢D野..)
豆豆 2006/8/9 11:22
細Joe,我.....住響九龍的....那麼你..現在看清楚了我沒有?
哈哈,你搵日一定要帶我去天水圍一趟,睇下會唔會有堆牛係度耕緊田先^^
天水圍居民細joe 2006/8/9 11:28
豆豆:
我一早就看清妳的真面目，
介直是．．．介直是．．．介直是．．．太好了~~~~!!!呵呵~
No comments:
Post a Comment