唔感動就有鬼咯

爸：「妳仲有冇賣嘢？車袋仔嗰啲。」
哈：「開學之後冇嚕，冇時間。」
爸：「唔好搞喇！花咁多時間得嗰雞碎咁多！」
哈：「…哦。」
爸：「會唔會同人補習之類呀？」
哈：「冇喎，不過想呀。」
爸：「唔好喇！有時間瞓下覺好過啦！」
哈：「遲啲趕哂啲project 咪有時間囉。」
爸：「抖下好過啦你呀！做功課做到個人癲咗喇都！」
哈：「……」
爸：「唔夠錢、要買野開聲得喇，嗰啲錢咪鬼賺啦！」
哈：「……」（咩係 "嗰啲錢" 同 "呢啲錢" 呢…？）(=. = )|||
爸：「總之要錢開聲，你專心讀書得喇！知唔知！？」
哈：「……哦。」（又唔係汽水蓋話開就開咩…）(=. = )|||
爸：「好多嘢問朋友借呀？」
哈：「係呀。」
爸：「但係遲早都要買架，買啦！兩萬夠唔夠？」
哈：「（嚇）…！！！唔洗呀！！！我得架喇！！！」
爸：「咁你要就出聲啦，知唔知呀！？」
哈：「得架喇 (x1,000)……。」


*

屋企唔叫得有錢（應該可以歸類為窮），
竟然叫我／命令我唔好做嘢唔好搵錢，
咁大個女真係第一次聽。

我諗我真係勤力到爹娘動容…… (T^ T )


*

愛我愛成咁，唔感動就有鬼咯。(T^ T )