「不過一群跳樑小丑而已」

　

「香港早已是個煮沸了的蛙湯鍋，
　有點影響力的都成了無恥的遺忘者了。」

　

「逃肉好時光」

Ｋ：「妳食緊咩呀？」
哈：「海草呀。」
Ｋ：「下…！？」
哈：「海苔呀、同埋啲唔知咩海草咁囉。」
Ｋ：「喂啲曲奇餅食唔食得呀？」
哈：「得呀，食啦。」
Ｋ：「咦入面一粒粒啲咩嚟架？」
哈：「穀。」
Ｋ：「下…！？」
哈：「穀，穀物呀。」
Ｋ：「想點先，又魚糧又雀粟呀咁，上天下海呀？巴閉啦！」


*

親愛的提議我這樣回嘴：
這些才是人類真正的食物呀，其他的都是垃圾。


*

善待動物　善待地球　善待自己的身體　:)


（呀…這句etv 得很。不過若etv 真的會這樣說也不錯。）
（我連現在還有沒有etv 都不知道咧。）

Hello Kitty

Dear Hello Kitty：


妳咁樣咪幾靚女。




阿哈上

又一日

看看到底我在公司的八小時都是怎麼過的。


整理個人物品，將有用的東西都翻出來，包括：
漫畫、顏色筆、電話、化妝品、煙絲。

決定做勞作。今次來個綠色系的。

一小時後。
紙條已經準備好，要開始編嚕。

先休息一會，到apm 睇波去。



從apm 回公司後繼續編－－完成！

吃飯！吃飯！ 轉眼間就已經吃了一小時。



剩下的時間都用來寫紙仔、畫公仔，
以及捲煙捲煙再捲煙。

我：「『最好就唔洗做、老細又吹我唔脹，日日等出糧，冇乜嘢緊張～*』」
Ｋ：「妳而家咪就係咁囉！妳睇下妳張檯，妳返嚟係做嘢嘅咩！？」

不要再談論他

不要再談論他。

由始、至終，直到今天，
我的世界還是容不下半句他的壞話。

即使我已經遠去。

札記

既然男人可以為一面之緣而花上整個晚上幻想跟某陌生人做愛，
那麼我為視覺享受而隔著螢幕為木村拓哉心花怒放又有何不妥？


*

我一直都好奇著：
大家知道我是木村迷時總一臉驚訝 + 嚏之以鼻，
是為什麼呢？

可能：
一、剛好我都只認識到不喜木村的朋友　或
二、我被定位為某一種人了。

若是後者，我更好奇：
你們看到的我和真正的我之間相隔多遠？　:p


*

電話情緒越鬧越厲害。

軒：「妳就忍下啦。」
我：「哼！」
軒：「佢一定係見妳有異心先鬧情緒。」
我：「（忽然大男人）嘿！咁唔係更加應該乖乖地咩！？
　　　假如你知道你隻佬有外遇咁你要點做！？
　　　緊係扮唔知、煲定碗靚湯俾佢啦！
　　　唔係咁點呀？唔係，咁個男人咪揀開心啲嗰個囉！
　　　都已經有異心喇，仲揀你嚟俾氣自己受？傻架！？」
軒：「嗯，明哂，咁你去換電話啦。」

當然，如果真的在說愛情：
女人，你既不是電話，亦不需主人。


*

「收聲啦，好嘈呀。 」
在公司時，我常常這樣罵那些誤鳴。


*

雖然很膽怯，我還是想奮不顧身一次。
錯過了，肯定會很難過很難過。


*

我想我知道了哪是我最沒戒備時候。
快牽起我的手…！


*

《和你一起吹風扇》－－

和阿腳一起胡扯出來的名字。
帥呆了，恨不得為此立即寫書。

就跟《想和你去吹吹風》或《那年夏天》一樣氣質，
文藝青年到死。


*

我的肺hyper 到暈，我的脈搏在跳舞。


*

久別以後，再次相聚的時光就要來了…！

「要愉快啊！」
我在心裡重重複複地為你唸著。　:)

阿Kel 說：圍立會

阿哈：

　　好，今日所有banner 呀、紙扎公仔呀、假棺材呀……通通都要出動，全部過海，中環集合……唔知喺邊度解散……自備糧水，鐘意飲可樂嘅飲可樂，鐘意喺嗰度沖咖啡嘅就沖咖啡，但唔該自備咖啡粉……如果串到帶咖啡豆都得，將咖啡豆放喺電車軌度輾爆佢變做咖啡粉亦得，真係要講句「亦得、得咗」（唔知點解我好鐘意講「亦得、得咗」呢四個字，真係好似鬼上身咁……）。至於熱水方面呢，大會係唔會提供熱水……黠解冇熱水？？？（下刪24 個問號）問功能組別啦。但唔緊要，我哋已經諗好咗喇，預計今日氣溫高達31℃，放杯凍水喺太陽下七粒鐘度啦，應該會變熱水架喇……到時沖咩都得啦。至於食嗰方面呢！！！大家千祈唔好帶飯呀下！係冇雪櫃嘅……記住係冇雪櫃呀下！咁食咩呀……？大家一係自備啲咩嘉頓忌廉檳呀……美心魔鬼蛋糕呀……呢啲都冇咩問題，不過我覺得帶辣辣壽司去都唔錯，因為可以玩「辣辣壽司邊個食，曾任權唔食，何俊仁食」呢隻game，唔該輸咗嗰邊要去推公安所設嘅鐵欄兩嘢……兩嘢好喇，兩嘢之後返嚟繼續玩。至於康樂方面呢！！！大家可以挫下啤呀、排下九呀、大下細呀…，都冇咩問題……總之各式其式，任君選擇。

　　阿 *「太Ｘ酒店」譚先生（* 註：一打嚟就「搵你senior 同我講嘢」兼「我要投訴囉」嘅client），我已經約咗佢喇，九點準時喺立法會正門等……但其實我哋喺皇后像廣場嗰邊嘅，到時個傻仔就呆等喇……hahaha……點先見到我哋？唯一辨法就係打低功能組別……打低咗之後譚生就會見到我哋架喇。如果譚生不滿咁點呀？唔緊要，投訴囉，問公安拎曾任權senior 電話囉……啲公安即刻的佢上豬籠車囉……

　　拿，你今日身負重任架……你今日將會拍伙陳巧文嘅……大家今日都要赤腳嘅，跟住大家拎住塊網球拍打網球，用鐵馬嚟做網……啲公安走過嚟趕嘅話咪同佢講：「阿蛇，而家打網球唔俾呀」、「未見過赤腳打網球呀……睇雜誌啦……唔該……outday」。打完網球之後呢！你就同陳巧文圍立會苦行，組成一隊「美少女苦行組」，到時功能組別行埋一邊啦……

　　嘩！！！阿Sam 同Simon 返嚟喇！我要讓坐喇，如果唔係佢哋一個的手、一個的腳……真係的我上豬籠車咁呀……最後嗌下口號先！！！


　　打低功能組別！！！
　　打低 *阿趙！！！（*註：堅決表示「六四鎮壓」冇錯嘅同事）
　　用紙扎坦克車鏟爆阿趙！！！


　　

　　……
　　……

　　……

　　……
　　……


　　……

　　……

　　……

　　（一路嗌到返屋企。）



阿Kel

*

Kel－－公司唯一會跟我講這些話題的同事。
收到這張紙仔的時候，
我邊睇邊「焗蟹」笑到標眼水，
最後足足重複看了六次。
太鐘意，所以放上來。

雖然因上班而都沒真的去圍立會，
然而在這時刻總算有個人一齊講下、
諗下點樣出通告要全公司去圍立會，都好。

（陶君行那句「請假都要圍立會」叫我差點真的就去請假了…）

天翻地覆

我的世界　翻天覆地

因為你的離開
因為你的出現

因為我　尋找著呼吸的理由
因為我　一步一步的－－

因為
一雙雙死心不息的眼睛。

100%

（給我心裡的神）

請你給我一個愛惜自己的理由
請你給我一個捨得放棄的藉口
請你給我一個保護自己的自由
請你給我一個通往解脫的出口

每次在我最無助時都想著有你
有你在我心裡讓我感到好踏實
朋友說神其實就活在自己的心裡
為何大家不信找衪其實這麼容易

帶我去另一個空間
我需要離開地面
帶我去你的世界
陪我到永遠
陪我一直到最極限

遇到好事壞事我都當作是註定
註定遇到這些課程讓我來學習
如果逃避不久之後又得再來一次
唯有看透面對做人會遇到的問題

真假已對我不是表面上那回事
人到底能不能相信自己的眼睛
我只想找尋心底深處的那一股free
來平衡存在在我心裡原本的空虛

我能夠了解你為何灰心
但請你在最後不要放棄
我渴望你給我一絲光明
帶我回溯到最原始

*

先是心血來潮播起這首差不多十年前的《你》，
接著心有不甘地再次翻出100% 去年的專輯《赤子》細聽，
結果當中能鑽進腦裡的依然就只有《我要去哪裡》。

你到哪裡去了？

（雖然很高興不再Yeah Yeah Yeahs 著跡得緊。）


*

下次出現不如直接叫100% 就好，
總是「范曉萱 & 100%」的感覺真很怪。
（真的行不通嗎…？？？）


*

晃到youtube 看《主人》畫面（她的臉？）令我著迷，
結果足足重複四次方罷休。

還叫我記起了在歌曲以外對小萱不得不愛的原因其實有好多。

每段關係

反正都是各取所需而已。

不過如此。

波友招募中（花生組）

誰要跟我一起看四強

請舉手

請舉手
請舉手！

「也無風雨也無晴」

真高興

剛巧我們四個女生都是左撇子。
而且會坐在一起純粹偶然。

「無巧不成話。 」




*

為了熱熱鬧鬧而上酒樓去，
結果我卻變成獨個兒食course 咁食－－
嗚…我被遺棄啦是不是了？

*

我不知道怎麼去告訴你我有多喜歡Milkmilk。
天下無雙的毒舌。

總出現在我最需要的時候。




*

（Kawa 似乎好喜歡拍我，哈。）





見到你們真高興。（非常非常地。）