勾起十年前成班女仔來我家煲碟煲天光的回憶，
也一點一點的記起劇中好多好多的浪漫情節。
後來阿芝一播《Lalala Love Song》，
嘩，音樂才起，我的毛管就都棟起來啦！！！
明明一點日文都不會，卻能夠整首跟著唱，
「真係讀書都冇咁叻」。 (=v = ) ～*
原來Long Vacation 已經十年了！ (@口@)|||
時間過得真快咧…
聽說，一眾日本《長假》迷都聚在東京搞慶祝活動，
而日本好些店子都在賣《長假》記念品，真熱鬧～*
木村拓哉拍過《長假》後，就紅足十年；
山口智子講過要以它為自己的告別作，果然自此十年「唔蒲頭」。
第一次看的時候，其實好多地方都不懂：
不懂為什麼小南發現朝倉走佬之後沒有立刻哭、
不懂為什麼小桃那麼煩、
不懂為什麼松隆子要跟竹野內豐分手、
不懂為什麼小南跟瀨名上床之後沒立刻在一起…
當然也不懂看編劇高水準的拍攝手法。
一套《長假》的VCD 就一直擱著，
直到去年無聊再拿出來看，
才懂這是一套多麼高水準的作品…！
非常喜歡這套劇對死物的拍攝手法，
讓所有小東西都又美又充滿感情：
彈彈波、酒杯、紅酒、鋼琴、籃球、煙花…。
最厲害是瀨名跟山口智子的那間屋，真是「恨死人」，
再沒一套劇的房子令我那麼嚮往了…
可惜那一幢三層高的公寓在拍攝完成後就被拆。
我愛害羞善良的男主角瀨名、爽朗活潑的女主角小南。
我也愛裡面其餘的每個角色，
無論是滿腦子粉紅色影像又愛亂講話的小桃、
一談戀愛就變得內向又小心眼得過份的松隆子、
倔強的（出鏡很少的）小小廣末涼子、
亂七八糟的竹野內豐、抑或看起來好酷其實很脆弱的留美。
即使木村彈鋼琴的畫面，一眼就看穿他其實一點都不會。
再看《長假》，心情和感受都變不同了。
可能因為越來越懂人生的無奈，
再看的時候，幾乎要哭死了－－好感動的哭。
明明十四歲看的時候，半滴淚都沒掉過。（還嫌悶） =P
沒變的是，主題曲播放的片頭，
我一定一定移不開視線。無論看過幾多遍都一樣。
真懷念咧，沒有手機的年代，等情人打來，就得守在家裡，
乖乖待在電話旁，人變得傻呼呼的。
其實所有的等待，都有其意義與味道吧？
這大概是新一代年輕人所無法體會、明白的。(?)
就算我們這年紀的，大概都已經習慣了即食文化嚕。
*
是日本人鄭家輝：
0係呢十年入面,仍然冇任何一套月九劇 (逢星期一9pm)
可以打破《長假》既收視記錄.
仲記得當時逢星期一夜晚,就唔洗旨意0係街見到OL, 真係好誇張!
而直到今日,仍然有好多人用 "don't worry, be happy"
黎到做自己既座右銘, 包括我自己.
是日本人橡膠龜：
過左10年,仲有一班fans慶祝有套咁既劇,真係好勁!
而家再睇返,都唔會覺得佢好out,好似只係幾年前拍咁.
尤其角色人物著既tee,到而家睇都仲覺得好靚.
當年0係日本,都唔知幾多男仔因為套劇而走去學鋼琴!
當然整返個木村頭就唔少得嫁啦!
96年正正係日本最富裕既一年,
社會學家叫佢做「夢想社會」,
《長假》就更加澎漲呢個時候既人既希望.
不過現實順唔順景既時候都好,
"don't worry, be happy" 真係一個好好既生活態度.
謝茜嘉：
0個時長假hit 到不得了,
起初我係都要扮有型,唔肯跟風睇.
但係後黎因為陪friend,我都係睇左.
到我睇完--- 嘩! 原來係寶黎嫁!
嗯...唔講套劇影響左我d咩咁扮感性喇,
總之,睇過一套咁正既劇,真係好!
真係好彩我最後都係有睇到!
知道長假岩岩十年,真係好有衝動重溫!
哎呀：
我就係因為睇左long vacation,
好嚮往戲入面咁既生活,而決定去日本留學.
從來冇任何一套日劇可以令我嚮往得咁緊要.
到e家讀完書,都仲在日本工作.
long vacation 對我既影響真係好大!
林木仔：
悠長假期！當然好精彩啦！
最勁係無線播個時，連我阿麻都集集追，佢都覺得好好睇！
佢仲成日睇住電視話：女仔大過男仔都無所謂啦！
細：
LONG VACATION
不經不覺就十年…感覺好似o係幾年前咁﹗
果陣大學未畢業，但都驚緊畢業之後唔知做乜，
睇頭幾集見倒個個角色都好似冇野好做咁都真係幾心寒架﹗
另外，當中最印象深刻的一幕
是松隆子飛木村果幕﹗真係諗返都想喊……
aERIS：
Long Vacation...話咁快又十年喇~~我前派又睇多次~~
過左咁多年睇返，仍然咁正，好鍾意呢套劇既所有野，
配樂、故事、演員、場景....等等都係好到不能再好，
到而家我都未睇過咁好既日劇
頭先聽到d歌，個心揪左一揪，又諗起小南為瀨名學琴既情景...
唔得喇~~~今個weekend我又睇多次先
KENJI：
我果陣時, 第一次睇仲係一口氣睇o左十隻cd,(通埋頂)
最後落o左街食早餐,之後睇埋最後一隻...哈哈
山口智子真係好爽~
仲有廣未..真係好細個呀果時~
阿寶：
我到今時今日都覺得
當年的『木村頭』係10年內最有型的髮型！！！^o^
好多當年男仔都有跟住電0架！！哈哈哈
cheesy goody：
嘩, 一聽到what can I do?隻歌個intro,
真係起哂雞皮呀,
想起當年不停repeat long vac. Sounddtrack的深宵~~~~
加路：
睇完"悠長假期"之後,原來姐弟都可以接受!!
所以之後都曾經喜歡過一位年紀俾自己細嘅男仔!!
最難忙係山口智子為咗木村而去學彈一首歌!!好感動呀!!
紅豆：
我以前仲買左long vacation既琴譜架!!!正!!!
Mandy：
悠長假期中, 我最喜歡的一場是山口智子,
終於鼓起勇氣走去男主角的天台,
木村問她你來做什麼, 她說:我來和你kiss, 之後背景放起煙花.
這一埸教了我去愛是要鼓起勇氣的.
m_m：
1) 你們還記得Long Vacation裹,
木村的橙紅色皮梳化和山口智子的紅白間梳化?
我到現在仍堅持將來屋企要有一張橙紅色皮梳化 :)
2) 還有, 嗰陣成日同同學仔爭論
long vacation 定love generation好睇.
我地成班同學係我屋企用兩日兩夜睇晒LV及LG
死肥通通：
我本身好少睇電視劇,但LONG vacation 我就集集睇.
套劇本身好好睇,但我最重要既係,
我喜歡的一個女仔勁追黎睇,我就勁睇要有話題MA,哈哈....
manman：
10年前一段好正既回憶.
講番悠長假期,
有一幕係山口智子特登學鋼琴鼓勵木村,
個一幕我仲好記得,好感動,
而且,呢一套戲令好多人紅左,
竹野內豐,松隆子,同埋廣未涼子,個陣廣未仲好細個,好可愛架!!!
個間屋好似拍完之後已經拆左啦!!
長假期係我第一套，亦係唯一一套我買vcd o既日劇。
(even101次求婚、同一屋簷下、星之金幣我都係睇完算)
仲要一向唔行街O既我比較唔同版本O既LV vcd box set
(你地都明白當年好多款set 嘛！)
最後我選o左款黑色鋼琴做background，
側邊有山口同埋木村果款。家下都仲響度。
hehe，我睇佢地玩彈彈波，我都有諗過自己玩，
但係家住十一樓兼有窗花，唔係咁敢試。
另外山口智子好努力學彈琴俾木村聽果度都好感動。
而最好笑當然係…最後山口智子同埋木村響街度勁跑。XDXD
當然仲有山口智子因為年紀搵唔到工，當時覺得佢好慘，
後尾自己有段時間失業，不期然又諗起呢套劇。
而佢地果句金句﹕"無O野做唔緊要，當自己放緊悠長假期"
更成為我失業果時O既鼓勵。
對比起之後love generation…
好老實，lg我剩係睇o左一兩集，唔得，始終都係lv好d。
唔知叫唔叫可惜O既係山口智子唔肯拍續集，
但係亦因為唔拍續集，
更令到呢套戲經典(因為好多續集都唔好睇或者走火入魔)。
原來不經不覺十年啦！唔知山口家下點呢？
snow-悠長：
好記得 don't worry be happy.
玩果個膠波.
木村同竹野內豐好老友.
仔仔：
木村之前,邊有人諗過西裝+背囊可以咁型!!!!!!!!!!
山口智子真係好正,最正係為左木村學琴0個幕,我真係睇到喊!!!!!!!
如果有個女仔咁為我,死都抵呀!!!!!!!!HAHAHAHA!!!!!!!!!!!!!!!!!!!!!!!!!!!
kEy 2006/11/24 03:40
這套劇很讚~~
細joe 2006/11/29 18:25
2日睇完~~好正，睇咁多套日劇最好睇係呢套。
而且裡面ge演員之後都獨當一面，證明佢地都好有質素，
最鍾意佢個結尾同個開場ge對比，真係感覺到佢地好幸福．．．
No comments:
Post a Comment