噢噢！菩薩心腸的姨姨

照樣出門口、到車站、有車嚟、
上車、拎銀包、do 八達通－－
oh shit！我竟然唔記得增值！？
巴士已經山咗門，想跳返落車都唔得，
唯有問司機位隔離嘅姨姨同哥哥有冇散銀唱俾我。
我一邊問一邊打開個銀包，
見到入面得返一張銀紙，
拿拿聲扯佢出嚟－－五十蚊紙！？
我唔係黑仔到咁下話！？
個姨姨同哥哥苦笑住咁話：
「冇咁多散紙呀…唔好意思呀…」
噢…我就諗，唯有下個站落車啦。
點知跟住，個姨姨塞十六個半過嚟，
好我驚：「下…！？咁點得架！？」
姨姨笑住係咁一輪嘴：「得啦！入啦！黎啦！得啦！」
個哥哥都笑埋一份，話：「妳認住佢、下次俾返佢囉！」
終於，我講左N 咁多次唔好意思，
都係拎左佢啲錢、入左落個錢箱…
覺得好感動－－
其實呢個社會都唔係咁冷漠啫！
真係好感激呢位不知名嘅姨姨，
多謝佢會幫一個完全唔識嘅人！
仲有好彩得佢，我先未至於過十點先返到公司！
所以，我決定要作一首詩黎到歌頌佢！

噢噢　菩薩姨姨
妳的車費　助我十六個半
噢噢　菩薩姨姨
妳的幫忙　讓我溫暖無比

二ＯＯ六年一月十九日　韻雯新作

雞腿飽女俠

為了林海峰，我買了今期東touch。




*

大財團果然不同凡響，
Joey 唔啱？Kelly 唔啱？王力宏唔啱？
孫燕姿呢？Eason 呢？蔡依林呢？都唔啱？
就找來林海峰加葛文輝來個軟硬返生都仲得！

嘿，再多再多都請得起，
實有個你buy 的，睇你死未。

終於今次，好，我死。
反美式反快餐反壟斷反老麥的朋友，
你們繼續努力喇！



金 [2006/1/17 22:52
出埋麥當勞戰隊眼罩仲型

kEy 2006/1/18 01:13
好耐無來 .. 你依舊那麼可愛
你現在這個髮型不錯呀 ^^
就繼續留著長頭髮吧 很漂亮

《陽光小小姐》

終於看了Little Miss Sunshine ，感動不已。

一家五口再加個舅父，個個麻煩－－
阿爸破產、阿媽鬧離婚、阿爺吸毒、
舅父自殺不逐、阿哥誓不說話兼憎恨全世界…
像這樣的一家人，為著送豬妹去參加陽光小小姐，
被迫一起困在黃巴士同渡遙遙路程。
這趟旅程，各懷心事、黃巴士又殘又壞、而且途中挫折不斷，
卻成了又窩心又活潑、有笑有淚的故事？

這片憑抵死、鮮明也發人深省的劇情牽動觀聚，
實在精彩萬分，絕無悶場！
每個角色都充分發揮，尤其阿爺這金句王！
我幾乎過半時間都在邊哭邊笑。

呀，這更是我第一次在戲院裡體驗全場拍掌的震撼！

愛死這黃巴士。